ზრდასრულების ფსიქოთერაპია არის პროცესზე ორიენტირებული სერვისი, რომელიც მიზნად ისახავს ზრდასრულების ფსიქიკური და ემოციური ჯანმრთელობის გაუმჯობესებას. სესიების დროს, თერაპევტი ეხმარება ზრდასრულებს ცხოვრების ისეთ რთულ ემოციურ მდგომარეობებთან და გამოწვევებთან გამკლავებაში, როგორიცაა: სტრესი, შფოთვა, დეპრესია, ურთიერთობების პრობლემები და სხვა.
თერაპევტი კლიენტის საჭიროებებისა და მიზნების გათვალისწინებით, ინდივიდუალურად მუშაობს თითოეულ პაციენტთან. თერაპიული პროცესი ეხმარება ზრდასრულებს გაიაზრონ და გამოიყენონ თავიანთი შინაგანი რესურსები, რათა უფრო ეფექტურად გაუმკლავდნენ ცხოვრებისეულ სირთულეებს და დაძლიონ სხვადასხვა სახის პრობლემები.
ზრდასრულების ფსიქოთერაპია ხელს უწყობს შინაგანი სიმშვიდისა და ცხოვრებისადმი პოზიტიური დამოკიდებულების განვითარებას. ის ეხმარება პიროვნებას გამოწვევების მიმართ გახდეს უფრო მყარი და მდგრადი, რაც საბოლოოდ აისახება მის პირად, პროფესიულ ცხოვრებასა და ბედნიერების ხარისხზე.
