სერვისები

ფსიქოთერაპია არის პაციენტის პიროვნებასთან მჭიდრო კავშირის დამყარების მცდელობა ფსიქოლოგიური მეთოდების გამოყენებით, რაც მიმართულია პაციენტის პრობლემის დაძლევისა და სასურველი მიმართულებით შინაგანი განწყობის შეცვლისკენ. თერაპიული პროცესი დაფუძნებულია ფსიქოლოგისა და პაციენტის დიალოგზე. ეს არის სივრცე, სადაც გეძლევათ შესაძლებლობა, ისაუბროთ გულახდილად პროფესიონალთან, გააანალიზოთ საკუთარი პრობლემები და მოძებნოთ ოპტიმალური გამოსავალი.

თერაპიული შეხვედრები კონფიდენციალურია.

ფსიქოთერაპიის მიზანია პაციენტის მენტალური და ფსიქო-ემოციური მდგომარეობის სასიკეთოდ ცვლილება, გარემოსა და სოციუმთან ურთიერთობის გაუმჯობესება, პაციენტის შრომისუნარიანობისა და ზოგადად ცხოვრების ხარისხის ამაღლება, რისი მიღწევაც შესაძლებელია სხვადასხვა მეთოდების, ტექნიკებისა და ხერხების გამოყენებით.

ცხოვრების მანძილზე ადამიანებს მინიმუმ ერთი და მეტი ტრავმული გამოცდილება მაინც აქვთ მიღებული. თითოეული ადამიანი თავისებურად განიცდის ტრავმას, თუმცა რამდენად მძიმე, ხანგრძლივი და ინტენსიურიცაა კონკრეტული მოვლენა, რასაკვირველია, უფრო მეტად ახდენს გავლენას პაციენტის ყოველდღიურ ცხოვრებაზე. როდესაც დისტრესი ინტენსიურია ან ძალიან დიდხანს გრძელდება, შესაძლოა მკურნალობის პროცესი გახანგრძლივდეს. ტრავმები ხშირად მნიშვნელოვანი ცხოვრებისეული გამოცდილებაა პაციენტისთვის. დროის გასვლა ან მკურნალობა არ ცვლის იმ ფაქტს, რომ ტრავმა მოხდა, ან მიღებული გამოცდილება რთული იყო. თერაპიის მიზანია სტრესის შემცირება, მიღებული გამოცდილების ინტეგრირებაში დახმარება და ორგანიზმის ნორმალური ფუნქციონირების დაბრუნება.