რჩევები სკოლამდელი ასაკის ბავშვების მშობლებს და აღმზრდელებს

მიეცით ბავშვს საშუალება, თვითონ გადაჭრას მარტივი პრობლემები და შეიძინოს დამოუკიდებლობა
არასდროს გააკეთოთ თქვენ ახლიდან მის მიერ გაკეთებული საქმე, თუნდაც ის არასრულად იქნას პატარას მიერ შესრულებული; ეს მის თვითშეფასებას ნამდვილად ზიანს მიაყენებს და შესაძლოა დაკარგოს რაიმეს კეთების მოტივაცია
ყოველთვის გახსოვდეთ, რომ თქვენი ბავშვი არის უნიკალური და ნუ აიძულებთ მას, მოიქცეს ისე, როგორც სხვები იქცევიან
ასწავლეთ გარემოს წესები მისთვის მისაღები ფორმით. ეს შეიძლება გაკეთდეს მარტივი ახსნა-განმარტებით, ან მასთან თამაშის პროცესში
წაახალისეთ მისი თამაში. თამაშს უდიდესი როლი უკავია ბავშვის განვითარებაში, აგრეთვე ასწავლის ბავშვს, თუ როგორ დაამყაროს ურთიერთობა სხვა ადამიანთან, როგორ გადაჭრას პრობლემები და გაითავისოს სოციალური როლები
არ გამოიყენოთ ბავშვთან იარლიყები, მაგალითად არ აღნიშნოთ. რომ ის არის მორცხვი, ემოციური, რთული, უხეში და სხვა
ამ ასაკში ბავშვი მოსიყვარულე მშობლებისგან იღებს მაგალითს, ამიტომ შეეცადეთ რომ ეს მაგალითი ყოველთვის იყოს პოზიტიური
გამოათავისუფლეთ მისთვის საჭირო დრო და ესაუბრეთ მისთვის საინტერესო თემებზე, ის ხომ ძალიან დაინტერესებულია სამყაროთი და იწყებს მისი მრავალფეროვნების გაცნობიერებას
ბევრი იკითხეთ თქვენ პატარასთან ერთად, ამ ასაკში ხდება სწორედ ამ უნარის გაძლიერება და მისი მომზადება სკოლისთვის. უთხარით მას, თუ რამდენად მოგწონოთ ერთობლივი კითხვა; აგრეთვე შეგიძლიათ სხვადასხვა გმირის სხვადასხვა ხმით გახმოვანებაც კი გამოიყენოთ, რომ უფრო საინტერესო გახადოთ მოსმენის პროცესი
მუდამ შეაქეთ როდესაც ის ამას იმსახურებს
არ დაუშალოთ საკუთარ თავთან საუბარი, ეს მნიშვნელოვანია მისთვის, რადგან ახდენს საკუთარი ქცევის წარმართვას და სტრესისთვის თავის გართმევას
აგრეთვე შეეცედეთ, რომ 5-6 წლის ასაკში მას მისცეთ საშუალება, რომ დახატოს, ითამაშოს ასაწყობი სათამაშოებით, ან ძერწოს, რათა განივითაროს ნატიფი მოტორიკა და მოემზადოს სკოლისათვის
ყოველთვის მოამზადეთ ახალი სიტუაციისთვის, რათა შეამციროთ მისი შფოთვა
ესაუბრეთ ადამიანების და ცხოველების შესახებ, მას ამ ეტაპზე უჩნდება ემპათიის განცადა და შეეცადეთ, რომ წაახალისოთ ეს განცდა
არ დასაჯოთ და არ გამოიყენოთ დისციპლინის უხეში მეთოდები , რადგან შესაძლოა ამან მის თვითშეფასებას დიდი ზიანი მიაყენოს