თინათინ დეკანოიძე არის სოციალური მეცნიერებების დოქტორი, რომელსაც აქვს მრავალწლიანი გამოცდილება სოციალური სფეროს სხვადასხვა მიმართულებით. იგი 18 წელზე მეტია მუშაობს როგორც მენეჯერულ პოზიციებზე, ასევე უშუალოდ ბენეფიციარებთან, მათ მშობლებთან და აღმზრდელებთან, პროფესიული მომზადებისა და გადამზადების კუთხით.
თინათინი სპეციალიზებულია რთული ქცევის მქონე ბენეფიციარებთან მუშაობაში და იყენებს სოციალური პედაგოგიკის თანამედროვე მეთოდებსა და მიდგომებს. აქტიურად მონაწილეობს არასამთავრობო ორგანიზაციების მართვასა და სოციალური მომსახურების სააგენტოსა და სხვა სახელმწიფო სტრუქტურებთან თანამშრომლობაში.
მას აქვს ფართო გამოცდილება გზამკვლევებისა და სასწავლო პროგრამების შექმნაში, კვლევების განხორციელებაში, ასევე ტრენინგ-მოდულების შემუშავებასა და წარმართვაში.
მისი პროფესიული მიზანია, ინდივიდუალური და სისტემური მიდგომების გამოყენებით, ხელი შეუწყოს სოციალურად მოწყვლადი ჯგუფების წარმატებულ ინტეგრაციას საზოგადოებაში.
